[ قوانين منتدى الكثران ]


العودة   شبكة ومنتديات قبيلة الكثران في المملكة العربية السعودية > ][ مجالـس الكثران ][ > مجالس شعراء الكثران
إسم العضوية أو بريدك الإلكتروني كلمة المرور

مجالس شعراء الكثران خاص بشعراء الكثران

موضوع مغلق
 
أدوات الموضوع انواع عرض الموضوع
  رقم المشاركة : [ 1 ]  
قديم 17-05-2008, 07:01 PM
الصورة الرمزية المشير
المشير  
عضو مميز
المشير غير متواجد حالياً
رايق
   
المشاهدات : [ 3758 ]   الردود : [ 19 ] Hasry ديوان الشاعر /ناصر المسيميري




ديوان الشاعر/ ناصر المسيميري


هذي ردية بين الشاعرين المعروفين ناصر المسيميري وبدر الحويفي

يقول الشاعر ناصر المسيميري الكثيري

يارجل في روس المراقيب عدى=خلين أهيض به ترى الصدر مليان
لو إن رقي الرجم ماهوب ودي=تعبان من رقي المراقيب تعبان
غدى براسه خاطري يجرهدّي=أنسى هموم كنها ضلع ورقان
همٍ نزل والهم الآخر يشدي=تواردن قلبي كما ورد قطعان
من وقتي اللي به حيوف وتحدي=أرجف علي إرجاف خيلٍ بقيعان
وقت حداني لين وصلت حدّي=ومشاكل قلبي لها تقل نيشان
ولا نيب مبدي للمخاليق سدي=ماينشكي الوارد على فلان وفلان
صدقان تاخذ منك ماهيب تدّي=عند اللوازم مايصيرون صدقان
ودورت أبي ملفاً عنه مايصدّي=للصادرة والواردة يقضي الشان
فتال نقاض اليا أبرمت عقدي=دربيل كشاف للأسرار قبان
ولا شفت منه للوازم يسدي=ألا الحويفي ستر مدعوج الأعيان
بدر زبونٍ له وكفوٍ وقدي=هو منتهى شكواي ماعنه كتمان
عدِ اليامنه يبس كل عدي=في كذحت الجوزاء وصكات الأضعان
هذاك وارد وهذا يمدّي=يوم الرسوس إتغيضها غرف قدحان
ولو إن جده مايعلق بجدي=حربي وانا جدي يعلق إبقحطان
لاشك أبشكي له وأبعطيه سدي=والناس مع الناس من ماضي الأزمان
يابدر بي جرحٍ من العام يدّي=جرحٍ عميق وحرت به يابو سلمان
شيءٍ لصندوق الضماير يقدي=علة بطن مالي عن إلقاه مزبان
يابدر ماهو عشق جيدٍ وخدّي=ولا نيب مديونٍ إمقزيه ديان
وعيني المرقاب الهوى ماتلدي=ولو الهوى للرجل مافيه نقصان
مشتان في دعواي محدي لاأبدي=وشفقان لردود الخبر منك شفقان
وإقبل تحية مخلصٍ لك إمودي=ماناض برقٍ ومهملن غر الأمزان




وقد أجاب الشاعر بدر الحويفي الحربي بهذه القصيدة :

يامرحبا مبدأ جوابي وردي=إعداد ماهز الهوى روس الأغصان
يوم المسيميري زهمني بجدي=حرك ضميرٍ للهواجيس ميدان
ورسالته وصلت وأنا مستعدي=نبي نعالج وضعها قدر الأمكان
نسعى لها بالصلح ماهو تحدي=وعندك خبر مالي على الناس سلطان
وعلي مثلك حمل نصفه يسدي=من ناس لأصحابي ولا همب عدوان
ولولاي أكافح مشكلاتي وهدّي=فتحت للخافي نوافذ وبيبان
أما أنت مشكلتك حسب ماتعدي=أخذت عنها من معانيك عنوان
موضوع مايحتاج مني تجدي=كان القضية يالكثيري بالأحضان
ماتصفي الدنيا على ماتودي= والصبر ياناصر من أنواع الإيمان
وإن شفت حاسوسك يبي يستبدّي=عالج مواضيعك إبتحكم وإتقان
أنا صلاح الناس ماهو بيدّي=وإن جيت أبنصح قالوا الناس غلطان
ماقصدي أغضي عن مجالك وأصدي=مقدر على شكواك من غير خسران
واللي يجيب الهرج والي يودي=هذاك ياناصر من العقل عريان
من عادة الواشي يعمر ويهدي=قصده يولع بين الأقراب دخان
خله من أعماله يخرف ويهدي=ويبني من الحبة كبر ضلع رمان
يخيط بعراض العباد ويقدي=يمسي بدين ويصبح الصبح عريان
لو قال مدّك مايجي نصف مدّي=قل ياآدمي عطني دلايل وبرهان
وقل نصيحة جد من قلب جدّي=قبله سبأ طاعت نصيحة سليمان
لو شفت بعض الناس فيك إمتردّي=صبرٍ على الجاري ولا بث الأحزان
وانا على شكواك ماني إمبدّي=لو شفت لي فيها مداخيل وإمكان
لو كان مابدّك قريبّ إلبدّي=لكان تربطنا علاقة وجيران
وانته رجل بالعرف تاخذ وتدّي=ويكفيك من رمز النياشين نيشان
وسلم سلمت وخل عينك تخدّي=مايزعج العاقل سواليف سفهان
وإن كان حدّك للقضية تصدّي=منته بحاجة فزعة فلان وفلان
واقبل تحياتي نهاية مشدّي=وأرجي السموحة كان بالقول نقصان

_____________________________________________


ملاحظة هامة : القصيدة منقولة من ديوان الشاعر ناصر المسيميري بعد الإستئذان منه شخصياً
لذا نأمل ممن ينقلها ان يشير الى المصدر .


من مواضيع  »  المشير
التعديل الأخير تم بواسطة &(أسامه)& ; 16-04-2009 الساعة 04:13 AM
قديم 18-05-2008, 07:32 PM   رقم المشاركة : [ 2 ]
المشير
عضو مميز
المشير غير متواجد حالياً
الصورة الرمزية المشير
My Mood
رايق
 
 

افتراضي يازين لا تزعل




يازين لاتزعل قصيدة لشاعرنا الكبير ناصر بن عبدالله المسيميري الكثيري


يازين لاتزعل ولو عنك صديت=ولا يكدر خاطرك كثر صدي
ولا تحسب إني من معاشرك مليت=ولا عيوني يم غيرك تلدي
ودي بشوفك كل ماصبحت وامسيت=ودي الى جدك قريبن لجدي
لاشك ماجت لي على ماتواريت=شيٍ حداني عنك ماهوب ودي
مشاكلٍ جتني وانا ماتحريت=واليوم عيا خاطري يجرهدي
وصبرت لكني من الصبر مليت=وأخاف تالي الوقت ينباح سدي
وألا أنت يامدعوج الأعيان ماخطيت=عزالله إنك للوفاء مستعدي
وأحلف بمن لجله يحجون للبيت=مانساك لين القبر فوقي يهدي
ولا عاد ينفع قول ياليت ياليت=عندي خبر مافات صعبٍ يردي

ملاحظة هامة : القصيدة منقولة من ديوان الشاعر


من مواضيع » المشير
التعديل الأخير تم بواسطة &(أسامه)& ; 16-04-2009 الساعة 04:01 AM
 
قديم 19-05-2008, 09:47 PM   رقم المشاركة : [ 3 ]
المشير
عضو مميز
المشير غير متواجد حالياً
الصورة الرمزية المشير
My Mood
رايق
 
 

افتراضي قصيده وطنيه




هذه قصيدة وطنية قالها الشاعر ناصر المسيميري بمناسبة اليوم الوطني عام 1409هـ

يادار ياما مر بك من غرابيل=فقر وجهل في ماضيات السنينا
وياما خطب ودك إرجالٍ مشاكيل=توافدوا لك من يسار ويمينا
وشمتي وطعتي متعب الجيش والخيل=عبدالعزيز أقعد صغي العايلينا
حكم بحكمٍ عادل مايبي الميل=خلاّ الغنم والذيب متوالفينا
وسلم إزمامه في يدين الرجاجيل=كواكبٍ من غاب غيره يبينا
حكامنا اللي بالمواقف حلاحيل=من جودهم جدنا بدنيا ودينا
ونجدد الفرحات جيلٍ بعد جيل=بأمن ورخاء والشكر واجب علينا

ملاحظة هامة : القصيدة منقولة من ديوان الشاعر


من مواضيع » المشير
التعديل الأخير تم بواسطة &(أسامه)& ; 16-04-2009 الساعة 04:02 AM
 
قديم 02-06-2008, 04:52 PM   رقم المشاركة : [ 4 ]
المشير
عضو مميز
المشير غير متواجد حالياً
الصورة الرمزية المشير
My Mood
رايق
 
 

افتراضي عربون شاعر ( وجدانيات المسيميري ) ( 1 )




وجدانيات مختارة من ديوان الشاعر ناصر المسيميري ،، أبو عبدالله

إغنم شحيح الوقت من قبل الإفلاس=تراه ماكل الليالي ليالي
ماكل ماهب الهوى صار نسناس=مرّ(ن) يجي عجٍ يشيل الجبالي


الناس عندي تختلف قي غلاها=لو كنت بعض أوقات أجامل واساير
ربعي واميز طيبها من رداها=وأفرق غشيشة من نقي السراير
ناسٍ إلى زعلت ندور رضاها=وناسٍ إلى زعلت نسوق البشاير



وسلامتكم


من مواضيع » المشير
 
موضوع مغلق

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:30 AM


Powered by vBulletin® Version 3.8.5
Copyright ©2000 - 2014, Jelsoft Enterprises Ltd.
Ads Management Version 3.0.1 by Saeed Al-Atwi
CoctaiL Style .. Developed By :   Sult@N
Protected by CBACK.de CrackerTracker